അഭിനന്ദനങ്ങൾ
ലോക ചെസ് കിരീടം നേടിയ ദിവ്യ ദേശ്മുഖിന് അഭിനന്ദനങ്ങൾ.
വിദ്യാർഥികളും രക്ഷിതാക്കളും സമൂഹവും
പ്രിയരേ,
അജ്‌മാൻ ഉമ്മൽ ഖൈൻ യുവകലാസാഹിതി
” *വിദ്യാർഥികളും രക്ഷിതാക്കളും സമൂഹവും* ” എന്ന വിഷയത്തിൽ സെമിനാർ ജൂലായ് 26 ശനി വൈകുന്നേരം 7 മണിക്ക് സൂം പ്ലാറ്റ്ഫോമിൽ സംഘടിപ്പിക്കുന്നു.
പ്രശസ്ത എഡ്യൂക്കേഷണലിസ്റ്റ് *പ്രൊഫസർ അജിത് കൊളാടി* വിഷയം അവതരിപ്പിക്കുന്നു.
ഒപ്പം വിഷയ സംബന്ധിയായ നിങ്ങളുടെ സംശയങ്ങൾക്കും ചോദ്യങ്ങൾക്കും മറുപടി നൽകുകയും ചെയ്യും.
നമുക്കൊരുമിച്ച് മികച്ച വിദ്യാഭ്യാസത്തിലൂടെ സമൂഹ നന്മക്കായി ഒരു നല്ല നാളേക്ക് തുടക്കം കുറിക്കാം.
യുവകലാസാഹിതി അജ്‌മാൻ ഉമ്മൽ ഖൈൻ ഏവരേയും സ്നേഹത്തോടെ ക്ഷണിക്കുന്നു.
Zoom link താഴെ കൊടുത്തിരിക്കുന്നു
Meeting ID: 826 2034 1645
Passcode: 1234
ലോഗോ ക്ഷണിക്കുന്നു
ലോഗോ ക്ഷണിക്കുന്നു
യുവകലാസാഹിതി യു എ ഇ തലത്തിൽ കുട്ടികൾക്കായി 2025 നവംബർ മാസത്തിൽ സംഘടിപ്പിക്കുന്ന കലോത്സവത്തിന് ലോഗോ ക്ഷണിക്കുന്നു. ലോകത്തെവിടെയുള്ളവർക്കും പ്രായഭേദമന്യേ ഈ മത്സരത്തിൽ പങ്കെടുക്കാവുന്നതാണ് . തെരഞ്ഞെടുക്കുന്ന ലോഗോ തയ്യാറാക്കുന്ന കലാകാരന് കാഷ് അവാർഡും പ്രത്യേക പുരസ്‍കാരവും നൽകുന്നതാണ് .
ലോഗോ 2025 ജൂലൈ 30 ന് മുമ്പ് kalolsavam@yuvakalasahithyuae.org എന്ന വിലാസത്തിലോ, +971553624033 എന്ന WhatsApp നമ്പറിലേക്കോ അയക്കേണ്ടതാണ്
വി.എസിന് വിട
അനീതി കാലഘട്ടത്തിൻ്റെ ക്രമമായിരുന്ന കാലത്ത് നിഷേധം ചെറുത്ത് നിൽപ്പാകും. തനിക്ക് ചുറ്റും പെരുത്ത അനീതികളോട് മുൻ പിൻ നോക്കാതെ നെഞ്ചുയുയർത്തി പൊരുതിയ തന്റേടിയായ നിഷേധിയായിരുന്നു വി എസ്.
കാലം ആ ശരീരത്തിലെ ബോധത്തിൻ്റെ തുടിപ്പുകൾ ഓരോന്നായി അണയ്ക്കും വരെ ആ നിഷേധത്തിന് ഒരു ഇളവും നൽകാൻ വി എസ് തയാറായില്ല. എന്നും വിജയിയായി എന്ന് അറിയപ്പെടാൻ അദ്ദേഹം ആഗ്രഹിച്ചിരുന്നില്ല, പക്ഷേ എന്നും പോരാളിയായി ജനങ്ങളുടെ മനസ്സിൽ നിറഞ്ഞുനിൽക്കുവാൻ അദ്ദേഹത്തിന് കഴിഞ്ഞു.
പരിസ്ഥിതി പ്രവർത്തകരുടെ ആദ്യ തലമുറയുടെ നിരയിൽ ഉൾപ്പെട്ട പേരല്ല വി എസിൻ്റെത്. പക്ഷേ അദ്ദേഹം ഏറ്റെടുത്തപ്പോഴാണ് കേരളത്തിലെ പരിസ്ഥിതി വിഷയങ്ങളെ സാമാന്യജനങ്ങൾ ഉൾക്കൊണ്ടത്.
കേരളത്തിലെ പരിസ്ഥിതി പ്രശ്നങ്ങളെ സാമാന്യ ജനങ്ങളിലേക്ക് കൊണ്ടുപോകുവാനും അത് അവരുടെ നിത്യജീവിതത്തെ എത്രത്തോളം ബാധിക്കുന്നു എന്ന് ബോധ്യപ്പെടുത്തുവാനും വിഎസിന്റെ പോരാട്ടങ്ങൾക്ക് കഴിഞ്ഞു.
അനശ്വരരായ പുന്നപ്ര രക്തസാക്ഷികൾക്കൊപ്പം ആലപ്പുഴ വലിയ ചുടുകാടിലെ മണ്ണിൽ അണയാത്ത ഒരു പന്തമായി വി എസ് പോരാളികൾക്ക് വഴികാട്ടിയാവും
യുവകലാസാഹിതി യു എ ഇയുടെ അന്ത്യാഭിവാദനങ്ങൾ
RED SALUTE
യുവകലാസാഹിതി കലോത്സവം 2025 സ്വാഗതസംഘം രൂപീകരിച്ചു
യുവകലാസാഹിതി യു എ ഇ കുട്ടികൾക്കായി സംഘടിപ്പിക്കുന്ന കലോത്സവത്തിന്റെ രണ്ടാമത് സീസൺ വിജയിപ്പിക്കുന്നതിന് സ്വാഗതസംഘം രൂപീകരിച്ചു .4 വയസ്സുമുതൽ 18 വയസ്സുവരെയുള്ള യു എ ഇ ൽ പഠിക്കുന്ന കുട്ടികളെ അഞ്ചു മേഖലകളായി തിരിച്ചാണ് കലോത്സവം സംഘടിപ്പിക്കുന്നത് .1500 ഓളം കുട്ടികളുടെ പങ്കാളിത്തം കൊണ്ട് സമ്പന്നമായ ഒന്നാം സീസണിനേക്കാളും കൂടുതൽ മത്സരാത്ഥികളെയാണ് ഇത്തവണ പ്രതീക്ഷിക്കുന്നത് .സ്വാഗത സംഘം രൂപീകരണ യോഗം ലോക കേരള സഭാംഗം പ്രശാന്ത് ആലപ്പുഴ ഉത്ഘാടനം ചെയ്തു .യുവകലാസാഹിതി സഹ രക്ഷാധികാരി പ്രദീഷ് ചിതറ ആശംസകൾ അർപ്പിച്ചു സംസാരിച്ചു . ബിജു ശങ്കർ സ്വാഗതം ആശംസിച്ച യോഗത്തിൽ സുഭാഷ് ദാസ് അദ്ധ്യക്ഷത വഹിച്ചു .സുനിൽ ബാഹുലേയൻ നന്ദി രേഖപ്പെടുത്തി .
ഭാരവാഹികളായി വിൽ‌സൺ തോമസ് ,പ്രദീഷ് ചിതറ (രക്ഷാധികാരികൾ ) അജി കണ്ണൂർ (ചെയർമാൻ )സുബീർ എരോൾ (ജനറൽ കൺവീനർ ) നൗഷാദ് അറക്കൽ (വൈസ് ചെയർമാൻ ) മനു കൈനകരി (ജോ :ജനറൽ കൺവീനർ )
എന്നിവരെയും 22 അംഗ എക്സിക്യൂട്ടീവ് കമ്മിറ്റിയെയും യോഗം തെരെഞ്ഞെടുത്തു.
കലോൽസവം എഡിഷൻ 2
കലയുടെ കളിയങ്കത്തിന് തിരനോട്ടമായി. യുവകലാസാഹിതി യുഎഇ കലോൽസവം എഡിഷൻ 2 നവംബർ രണ്ടാംവാരം നടക്കുന്നു. കാലുഷ്യമില്ലാത്ത മത്സരത്തിൻ്റെ അരങ്ങിലേക്ക്, ആവേശത്തിന്റെ ആനമുടിയേറാൻ കാത്തിരിക്കാം
Yuvakalasahithy UAE Kalotsavam Edition 2 is all set on the mark and ready to go. Don’t miss the enthralling experience of intense competition with spirit of mutual respect.
ആദരാഞ്ജലികൾ
പ്രവാസി ഫെഡറേഷൻ കാസർഗോഡ് ജില്ലാ കമ്മറ്റിയംഗവും യുവകലാസാഹിതി യു എ ഇ യുടെ ആദ്യകാല സംഘാടകനുമായിരുന്ന അബ്ദുൾ സലാമിന് ആദരാഞ്ജലികൾ …
ഇളയനിലാ
യുവകലാസാഹിതി അബുദാബി – പി ഭാസ്കരൻ മ്യൂസിക് ക്ലബ്ബിലെ ഗായിക ഗായകന്മാർ ഒരുക്കുന്ന സംഗീത സായാഹ്നം “ഇളയനിലാ”ജൂൺ 28th 7.00 Pm Saturday at Kerala Social Center(Mini Hall-1)ൽ അരങ്ങേറുകയാണ്. പ്രസ്തുത പരിപാടിയിലേക്ക് ഹൃദയപൂർവം ഏവരെയും സ്വാഗതം ചെയ്തുകൊള്ളുന്നു.
പോഷകാഹാരവും ജീവിത ശൈലിയും സ്ത്രീകളിൽ
പ്രിയരേ,
ദുബായ് വനിതാകലാസാഹിതി ദുബായ് സംഘടിപ്പിക്കുന്ന ‘പോഷകാഹാരവും ജീവിത ശൈലിയും സ്ത്രീകളിൽ’ എന്ന വിഷയത്തിൽ സെമിനാർ ജൂൺ 29 ഞായർ വൈകുന്നേരം 7 മണിക്ക് സൂം പ്ലാറ്റ്ഫോമിൽ നടക്കുന്നു. പ്രശസ്ത ന്യൂട്രീഷ്യനിസ്റ്റ് ലൗലി രംഗനാഥൻ വിഷയം അവതരിപ്പിക്കുന്നു. ഒപ്പം വിഷയ സംബന്ധിയായ നിങ്ങളുടെ സംശയങ്ങൾക്കും ചോദ്യങ്ങൾക്കും മറുപടി പറയുകയും ചെയ്യും. നമുക്കൊരുമിച്ച് ആരോഗ്യകരമായ ജീവിതത്തിലേക്ക് ഒരു നല്ല തുടക്കം കുറിക്കാം.
വനിതാകലാസാഹിതി ഏവരേയും സ്നേഹത്തോടെ ക്ഷണിക്കുന്നു.
ഇതോടൊപ്പം ലിങ്കിൽ രജിസ്റ്റർ ചെയ്യുകയും കൂടി ചെയ്യുമല്ലോ.
ബാലകലാസാഹിതി ഷാർജ പഠന യാത്ര സംഘടിപ്പിക്കുന്നു
യുവകലാസാഹിതി ഷാർജ കുട്ടികളുടെ വിഭാഗം ആയ ബാലകലാസാഹിതി ഷാർജ പഠന യാത്ര സംഘടിപ്പിക്കുന്നു.
കേരളത്തിലെ ലൈബ്രററി പ്രസ്ഥാനത്തിന്റെ സ്ഥാപകനായ ശ്രീ പി എൻ പണിക്കരുടെ ചരമദിനമായ ( June 19) വായനദിനമായി ആചരിക്കുകയാണ്, അദേഹത്തിന്റെ സ്മരണാർത്ഥം ആണ് ഈ ക്യാമ്പയി‍ൻ സംഘടിപ്പിക്കുന്നത്.
ദുബൈയിലെ ഏറ്റവും വലിയ ലൈബ്രറി ആയ മുഹമ്മദ്‌ ബിൻ റാഷിദ്‌ ലൈബ്രറിയിലേക്ക് ആണ് ഈ യാത്ര. ഏറ്റവും വലുതും മനോഹരവുമായ ഈ പുസ്തകശേഖരം കാണുവാനും അനുഭവിക്കുവാനും ഈ യാത്ര ഉപകാരപ്പെടും.