Author Archives: admin yuvakala

ശ്രീ കാനം രാജേന്ദ്രന്റെ ജ്വലിക്കുന്ന ഓർമകൾക്കു മുന്നിൽ രക്തപുഷ്പങ്ങൾ അർപ്പിച്ചു കൊണ്ട് യുവകലാസാഹിതി ഷാർജ രക്തദാനക്യാമ്പും അവയവ ദാന സമ്മതപ്രത്ര സമർപ്പണവും നടത്തുന്നു. ജനുവരി 26 വെള്ളി റിപ്പബ്ലിക്ഡേ ദിനത്തിൽ 4.00 PM to 10.00 PM ഷാർജ ഇന്ത്യൻ അസോസിയേഷനിൽ വച്ച് നടക്കുന്ന ക്യാമ്പിലേക്ക് എല്ലാ സഹൃദയരേയും സ്വാഗതം ചെയ്യുന്നു. താഴെ കൊടുത്ത ലിങ്കിലൂടെ നിങ്ങളുടെ പേര് രജിസ്റ്റർ ചെയ്യണമെന്ന് അഭ്യർത്ഥിക്കുന്നു.

കൂടുതൽ വിവരങ്ങൾക്ക് ദയവായി 0507878685, 0555081844 എന്ന നമ്പറിൽ ബന്ധപ്പെടുക.

To fill out the form, Click here

രണ്ടാമത് നനീഷ് സ്‌മാരക ആഗോള ചെറുകഥാമത്സരം

ലോകം പ്രത്യാശയുടെ പിറവിയിലേക്ക് കൺതുറന്ന ക്രിസ്‌മസ്സ് നാളിലാണ് ഞങ്ങൾക്ക് നനീഷിനെ നഷ്‌ടപ്പെട്ടത്. നിത്യസ്മൃതിയുടെ പുസ്ത‌കത്തിലേക്ക് ആ പേര് എഴുതി ചേർത്തിട്ട് മൂന്ന് വർഷം കഴിയുന്നു. യുവകലാസാഹിതിയുടെ വേദികളിൽ അസാന്നിധ്യം ഒരു സാന്നിധ്യമാക്കി മാറ്റി നനീഷ് ഇന്നും നിറഞ്ഞു നിൽക്കുന്നു, വറ്റാത്ത മന്ദഹാസവുമായി. കാലപ്രവാഹത്തിന് എത്ര കുത്തൊഴുക്ക് ഉണ്ടായാലും യുവകലാസാഹിതി നിലനിൽക്കുന്ന കാലം നനീഷിൻ്റെ പേര് ഞങ്ങളുടെ ഓർമ്മയിൽ നിന്ന് മായാതെ നിലനിൽക്കുകതന്നെ ചെയ്യും. രണ്ടാമത് ‘നനീഷ് സ്‌മാരക ആഗോള ചെറുകഥ രചനാമത്സരവുമായി’ ദുബായ് യുവകലാസാഹിതി എത്തുന്നു. 2024 ജനുവരി 31 നു മുൻപ് ലഭിക്കുന്ന കഥകൾ വിദഗ്ദ്ധ പാനൽ വിലയിരുത്തി, മെയ് 5ന് ദുബായ് അൽ നാസർ ലെഷർലാൻ്റിൽ നടക്കുന്ന യുവകലാസന്ധ്യ 2024 യിൽ വച്ച് പുരസ്കാരങ്ങൾ വിതരണം ചെയ്യും. തിരഞ്ഞെടുക്കപ്പെടുന്ന കഥകൾ ഉൾപ്പെടുത്തി ചെറുകഥസമാഹാരം പ്രസിദ്ധീകരിക്കുന്നതായിരിക്കും.

നിയമാവലി:

1. കഥയ്ക്ക് വിഷയനിബന്ധനകളില്ല (യുഎഇ നിയമങ്ങൾക്ക് വിരുദ്ധമായതൊന്നും കഥകളിൽ ഉണ്ടാകില്ല എന്നുറപ്പു വരുത്തണം).

2. മൌലികമായ രചനകൾ മറ്റൊരിടത്തും പ്രസിദ്ധപ്പെടുത്താത്തത് ആയിരിക്കണം.

3. കൃത്യവും വ്യക്തവുമായ രചനകൾ A4 സൈസ് പേപ്പറിൽ PDF ഫോർമാറ്റിൽ ആയിരിക്കണം, കഥ പ്രിൻ്റ് ചെയ്യുന്ന പേപ്പറിൽ കഥാകൃത്തിനെ

കുറിച്ചുള്ള യാതൊരു സൂചനകളും ഉണ്ടാകാൻ പാടില്ല. 4. കഥ അഞ്ച് പേജിൽ കൂടാൻ പാടില്ല (10-12 ഫോണ്ട് സൈസിൽ ആയിരിക്കണം)

5. പൂർണ്ണമായ മേൽവിലാസം (ഇൻഡ്യയിലും പുറത്തും), ഇമെയിൽ, വാട്‌സപ്പ് നമ്പർ, മൊബൈൽ നമ്പർ, പാസ്പോർട്ട് സൈസ് ഫോട്ടോ ഉൾപ്പെടെ പ്രത്യേകമായി) yks.dubai2023@gmail.com എന്ന ഇമെയിൽ ഐഡിയിൽ 2024 ജനുവരി 31നകം ലഭിച്ചിരിക്കണം.

6. ലിംഗ, ദേശ പ്രായഭേദമന്യേ ആർക്കും പങ്കെടുക്കാം.

7. വിജയികൾക്ക് ദുബായിൽ എത്തുന്നതിനുള്ള വിസയും താമസ സൗകര്യവും നൽകുന്നതാണ് (ടിക്കറ്റ് സ്വന്തമായി എടുക്കേണ്ടതുണ്ട്).

8. ഏതെങ്കിലും കാരണവശാൽ വിജയികൾക്ക് പങ്കെടുക്കാൻ കഴിയാതെ വന്നാൽ സമ്മാനം സ്വീകരിക്കുന്നതിന് മറ്റൊരാളിനെ ചുമതലപ്പെടുത്തേണ്ടതാണ്, അദ്ദേഹം നമ്മുടെ പ്രോഗ്രാമിൽ എത്തി സമ്മാനം സ്വീകരിക്കണം. 9. മത്സരത്തിന് അയക്കുന്ന കഥകളിൽ നിന്നും തിരഞ്ഞെടുത്തവ ഉൾപ്പെടുത്തി പുസ്‌തകം പ്രസിദ്ധീകരിക്കുന്നതായിരിക്കും, വിധിനിർണയം

പരസ്യപ്പെടുത്തി ഒരുമാസത്തിനകം നിങ്ങളുടെ കഥ തിരഞ്ഞെടുത്തിട്ടുണ്ടെങ്കിൽ അറിയിക്കുന്നതായിരിക്കും, അതിനുശേഷം തിരഞ്ഞെടുക്കപ്പെടാത്ത കഥകൾ മറ്റ് പ്രസിദ്ധീകരണങ്ങൾക്ക് നാൽകാവുന്നതാണ്.

10. തിരഞ്ഞെടുക്കപ്പെടുന്ന കഥകൾക്ക് യാതൊരുവിധ പ്രതിഫലവും ം നല്‌കുന്നതായിരിക്കില്ല, കഥാപുസ്‌തകത്തിന്റെ ഒരു കോപ്പി കഥാകൃത്തിന് നല്കുന്നതായിരിക്കും.

11. വിധികർത്താക്കളുടെ തീരുമാനം അന്തിമമായിരിക്കും.

12. കൂടുതൽ വിവരങ്ങൾക്ക് 0507693005 (ജെറോം) 0523790572 (ലെനിൻ രാജ് ), 0505158186 (വിനോദൻ) എന്നിവരെ വിളിക്കുകയോ വാട്‌സപ്പിൽ മെസ്സേജ് ചെയ്യുകയോ ആകാം.

യുവകലാസാഹിതി യുഎഇ സ്ഥാപക നേതാവ് കെ.വി. പ്രേംലാലിന്റെ ഭാര്യാ മാതാവും വനിതാ കലാസാഹിതി യുഎഇ കൺവീനർ ശ്രീമതി ഷൽമ സുരേഷിന്റെ മുത്തശ്ശിയുമായ സുമതിയുടെ നിര്യാണത്തിൽ യുവകലാസാഹിതി യുഎഇയുടെ ആദരാഞ്ജലികൾ.. കുടുംബത്തിന്റെ ദുഃഖത്തിൽ പങ്ക് ചേരുന്നു.

സമയരഥം ആർക്കുവേണ്ടിയും കാത്തു നിൽക്കാതെ മുന്നോട്ടു ഉരുളുമ്പോൾ നമ്മുടെ ചുമരുകളിൽ നിന്നും മറ്റൊരു കലണ്ടർ കൂടി വിസ്മൃതിയിലേക്ക് മറയുകയാണ്. അതോടൊപ്പം കഴിഞ്ഞകാലത്ത് കൊഴിഞ്ഞുപോയ ചില ജീവിതങ്ങളും . പക്ഷേ അവരുടെ ഭൗതികമായ ജീവിതങ്ങൾ അസ്തമിച്ച ശേഷവും അവർ അവശേഷിപ്പിച്ച പ്രകാശങ്ങൾ ജീവിച്ചിരിക്കുന്ന മനുഷ്യരെ അവരുടെ മുന്നോട്ടുള്ള യാത്രയെ കൂടുതൽ  സുഗമമാക്കാൻ സഹായിക്കുന്നു.

പുതിയ ഒരു കലണ്ടർ പുതിയ പ്രതീക്ഷകളുടെ കൂടിയാണ്.  മനുഷ്യത്വം പുലരുന്ന, മതം വ്യക്തികളുടെ സ്വകാര്യത മാത്രം ആവുന്ന, രാഷ്ട്രീയം ഏറ്റവും ദരിദ്രനായ മനുഷ്യൻറെ കണ്ണീരൊപ്പുന്ന, ശാസ്ത്രം മനുഷ്യന്റെ ജീവിതത്തെ മെച്ചപ്പെടുത്തുന്ന, യുക്തിബോധം നമ്മെ വഴി നടത്തുന്ന ഒരു കാലത്തെ കുറിച്ചുള്ള പ്രതീക്ഷകൾ .

അതോടൊപ്പം തന്നെ നിരപരാധികളെ കുരുതി കൊടുക്കുന്ന യുദ്ധങ്ങൾ, വിടരും മുൻപേ പൂവുകളെ തല്ലി കൊഴിക്കുന്ന അധിനിവേശങ്ങൾ, പ്രാണൻ ഒരു ഭാണ്ഡക്കെട്ടിലെടുത്ത് പായുന്ന പാലായനങ്ങൾ – ഒക്കെയും ഇല്ലാതാകുന്ന ഒരു കാലം.

ഭൂമിയിൽ സൻമനസ്സുള്ളവർക്ക് സമാധാനം കിട്ടുന്ന ആ കാലം 2024 ൽ പുലരട്ടെ…

#യുവകലാസാഹിതിയുഎഇ

“കൈയ്യിലൊരു പിടി ദര്‍ഭയുമായ്, ബലി-

ക്കല്ലു നനയ്ക്കുവാന്‍ ബാഷ്പോദകവുമായ്

നോവും മുടന്തുകാല്‍ വച്ചു നടന്നല-

ഞ്ഞീ വഴിയമ്പലപ്പൂമുഖത്തിണ്ണയില്‍

വന്നു കയറി ഞാന്‍, കാലം കെടുത്തിയ

മണ്‍‍വിളക്കും താങ്ങി നില്‍ക്കുന്നു തൂണുകള്‍ ,

ഒറ്റയ്ക്കൊരിടത്തിരുന്ന് മനസ്സിന്‍റെ

കുത്തും ഞെറിയുമഴിച്ചു കെട്ടീടണം. ”

ലോകം പ്രത്യാശയുടെ പിറവിയിലേക്ക് കൺതുറന്ന ആ നാളിലാണ് ഞങ്ങൾക്ക് നനീഷിനെ നഷ്ടപ്പെട്ടത്. നിത്യസ്മൃതിയുടെ പുസ്തകത്തിലേക്ക് ആ പേര് എഴുതി ചേർത്തിട്ട് മൂന്ന് വർഷം തികയുന്നു.

യുവകലാസാഹിതിയുടെ വേദികളിൽ അസാന്നിധ്യം ഒരു സാന്നിധ്യമാക്കി മാറ്റി നനീഷ് ഇന്നും നിറഞ്ഞു നിൽക്കുന്നു. ഒരു വറ്റാത്ത മന്ദഹാസവുമായി

..

അവന്റെ സമാധാനത്തിന്റെ ആലയങ്ങൾ നമ്മൾ പോർക്കളങ്ങളാക്കി ..

ക്ഷമയുടെയും സഹനത്തിന്റെയും മൃദു മന്ത്രണങ്ങൾ ഉതിരേണ്ടിടത്ത് ആക്രോശവും അസഭ്യവർഷങ്ങളും നിറയുന്നു..

മാനവകുലത്തിനെ പാപങ്ങളിൽ നിന്ന് സ്വന്തം രക്തവും മാംസവും കൊണ്ട് ഉത്ഥാനം ചെയ്യുവാൻ വീണ്ടും ഒരു തിരുപ്പിറവിയുടെ നക്ഷത്രങ്ങൾ അടയാളങ്ങളാകുമ്പോൾ മനുഷ്യർ ഭൂമിയിൽ നല്ല മനസ് കൊണ്ട് പുൽക്കൂടൊരുക്കട്ടെ … നിസീമമായ സമാധാനത്തിന്റെ അവകാശികളാവട്ടെ …

യുവകലാസാഹിതി യുഎഇയുടെ ക്രിസ്തുമസ് ആശംസകൾ

പ്രിയപ്പെട്ടവരെ

കമ്മ്യൂണിസ്റ്റ് പാർട്ടിയുടെ ദേശീയ സെക്രട്ടറിയേറ്റ് അംഗവും സംസ്ഥാന സെക്രട്ടറിയുമായിരുന്ന സ. കാനം രാജേന്ദ്രന്റെ അപ്രതീക്ഷിത വിയോഗം  കേരള സമൂഹത്തിന് വലിയ ഒരു ആഘാതമാണ്.

പ്രവാസി ലോകത്തെ പലരുമായി അടുത്ത ബന്ധം ഉണ്ടായിരുന്ന ഒരു രാഷ്ട്രീയ നേതാവായിരുന്നു സഖാവ് .

സമുചിതമായ രീതിയിൽ അദ്ദേഹത്തിന്റെ അനുസ്മരണ പരിപാടി സംഘടിപ്പിക്കുവാനാണ് യുവകലാസാഹിതി റാസൽഖൈമ യൂണിറ്റ്  തീരുമാനിച്ചിട്ടുള്ളത്. ഡിസംബർ 24 ന് കേരള സമാജം ഹാളിൽ നടക്കുന്ന അനുസ്മരണ പരിപാടിയിൽ താങ്കളുടെ മഹനീയമായ സാന്നിധ്യം ഉണ്ടാവണമെന്ന് അഭ്യർത്ഥിക്കുന്നു.

യുവകലാസാഹിതി – റാസ് അൽ ഖൈമ

പ്രിയപ്പെട്ടവരെ

കമ്മ്യൂണിസ്റ്റ് പാർട്ടിയുടെ ദേശീയ സെക്രട്ടറിയേറ്റ് അംഗവും സംസ്ഥാന സെക്രട്ടറിയുമായിരുന്ന സ. കാനം രാജേന്ദ്രന്റെ അപ്രതീക്ഷിത വിയോഗം കേരള സമൂഹത്തിന് വലിയ ഒരു ആഘാതമാണ്.

പ്രവാസി ലോകത്തെ പലരുമായി അടുത്ത ബന്ധം ഉണ്ടായിരുന്ന ഒരു രാഷ്ട്രീയ നേതാവായിരുന്നു സഖാവ് .

സമുചിതമായ രീതിയിൽ അദ്ദേഹത്തിന്റെ അനുസ്മരണ പരിപാടി സംഘടിപ്പിക്കുവാനാണ് യുവകലാസാഹിതി അൽ-ഐൻ യൂണിറ്റ് തീരുമാനിച്ചിട്ടുള്ളത്. ഡിസംബർ 24 അൽ ഐൻ ഇന്ത്യൻ സോഷ്യൽ സെൻറർ ഹാളിൽ നടക്കുന്ന അനുസ്മരണ പരിപാടിയിൽ താങ്കളുടെ മഹനീയമായ സാന്നിധ്യം ഉണ്ടാവണമെന്ന് അഭ്യർത്ഥിക്കുന്നു.

യുവകലകലാസാഹിതി അൽ ഐൻ

യുവകലാസാഹിതിയുഎഇ

ഭാരതീയ ദളിത് സാഹിത്യ അക്കാദമിയുടെ

ഡോ: അംബേദ്‌കർ എക്‌സലൻസി നാഷണൽ അവാർഡ് 2023  നേടിയ

യുവകലാസാഹിതി യു.എ.ഇ. കേന്ദ്ര കമ്മിറ്റി പ്രസിഡണ്ട് സുഭാഷ് ദാസിന് അഭിവാദ്യങ്ങൾ