ആദരാഞ്ജലികൾ
യുവകലാസാഹിതി യു.എ. ഇ പ്രസിഡണ്ട് സുഭാഷ് ദാസിൻ്റെ പിതാവ് യതീന്ദ്രദാസ് അന്തരിച്ചു. യുവകലാസാഹിതി യുഎഇയുടെ ആദരാഞ്ജലികൾ
Women in Leadership; Breaking Barriers and Building Future
ലോകത്തെ നാം ഇന്നു കാണുന്ന വിധം മനോഹരമായ ഒരിടമായി മാറ്റിയെടുത്തതിൽ സ്ത്രീകൾക്കുള്ള പങ്ക് വലുതാണ്. ആ പങ്കിനെ എല്ലാ ശ്രേണികളിലുമുള്ള പങ്കാളിത്തമായി വളർത്തിയെടുക്കുവാൻ സ്ത്രീസമൂഹം നടത്തിയ പോരാട്ടങ്ങൾ ഉജ്ജ്വലമായിരുന്നു. ഐക്യരാഷ്ട്രസഭ 1975 ൽ അന്താരാഷ്ട്ര വനിതാ വർഷം ആഘോഷിക്കുന്ന വേളയിൽ മാർച്ച് 8 എല്ലാ വർഷവും അന്താരാഷ്ട്ര വനിതാദിനമായി ആചരിക്കുവാൻ തീരുമാനിച്ചു.
കുടുംബത്തിലും തൊഴിലിടങ്ങളിലും നിയമനിർമ്മാണ സഭകളിലും ഭരണനിർവഹണ മേഖലകളിലുമടക്കം സമൂഹത്തിന്റെ എല്ലാ തുറകളിലും സ്ത്രീകൾക്ക് തുല്യതയും അവസരസമത്വവും ആത്മാഭിമാനവും ഉറപ്പുവരുത്തുവാൻ പ്രവർത്തിക്കുന്ന സംഘടനയാണ് വനിതാകലാസാഹിതി. പെണ്ണായി പിറന്നവർക്ക് എല്ലാം പ്രചോദനവും അഭിമാനവുമായ Dr. ദിവ്യ എസ് അയ്യർ ഇത്തവണത്തെ വനിതാകലാസാഹിതിയുടെ അന്താരാഷ്ട്ര വനിതാ ദിനാഘോഷങ്ങളുടെ ഭാഗമാകുന്നു. ഉചിതഭംഗിയോടെ Women in Leadership, Breaking Barriers and Building Future എന്ന വിഷയത്തിൽ അവർ online ൽ February 28, ശനിയാഴ്ച, യുഎഇ സമയം 3.30 pm ന് നമ്മോടു സംവദിക്കും.
ഇതിനോടൊപ്പം നൽകിയിട്ടുള്ള google form രജിസ്റ്റർ ചെയ്തുകൊണ്ട് നിങ്ങളുടെ പങ്കാളിത്തം ഉറപ്പാക്കണം എന്ന് അഭ്യർത്ഥിക്കുന്നു
കൂടുതൽ വിവരങ്ങൾക്ക്
0527953630
Click Here for Registration
Happy Republic Day
We, the people of India എന്ന് ഊട്ടിയുറപ്പിക്കാൻ മറ്റൊരു റിപ്പബ്ളിക്ക് ദിനം കൂടി പുലരുന്നു.
അമിതകേന്ദ്രീകരണത്തിൻ്റെ എല്ലാ ത്വരകളെയും ചെറുത്തു തോൽപ്പിച്ചു കൊണ്ട് ഫെഡറലിസത്തിൽ പുലരുന്നൊരിന്ത്യ.
ഭിന്നിപ്പിക്കുവാൻ മതവും ജാതിയും വസ്ത്രവും ഭക്ഷണവും ഭരണകൂടം തന്നെ ഉപയോഗിക്കുമ്പോൾ ഒന്നിച്ചു നിൽക്കുന്ന ജനങ്ങളുടെ ഇന്ത്യ.
അൻപത് സഹസ്രകോടീശ്വരൻമാരുടെ ആർത്തി മലിനധൂമമായി ചുറ്റി ചൂഴ്ന്നു പാവപ്പെട്ടവരുടെ ശ്വാസകോശത്തിലേക്ക് അർബുദമായി പടർന്നു കയറാത്ത ഒരു ഇന്ത്യ.
We, the people of India അതർഹിക്കുന്നു
എല്ലാവർക്കും സ്വാതന്ത്ര്യത്തിൻ്റെ, സമത്വത്തിന്റെ, സ്വാഭിമാനത്തിൻ്റെ, സ്വാശ്രയത്തിൻ്റെ നിർമ്മല വായു പൊഴിയുന്ന ഒരു ഗണതന്ത്രദിനം ആശംസിക്കുന്നു
കാപ്പിരിക്കപ്പൽ
പ്രിയപെട്ടവരെ,
കരിഞ്ഞു കിടക്കണ കടലിൽ വഞ്ചിയിലേറി പാട്ടും പാടി നടക്കുന്ന കാപ്പിരി, കരയിൽ നിന്ന് ഒരാൾ വിളിച്ചപ്പോൾ അവൻ ഓടി വന്നു. പക്ഷേ എല്ലാം അവസാനിച്ചിരുന്നു. അവസാനിക്കുന്നതൊക്കെയും മറ്റൊരു തുടക്കത്തിനാണ് എന്ന് കാപ്പിരികൾ അറിഞ്ഞിരുന്നില്ല.
തീമഴയാണ്... തീമഴ. നിധി തേടി പരക്കംപായുന്നവർ കൊള്ളുന്ന തീമഴ. സ്വയം മറന്ന് പരസ്പരം സ്നേഹിക്കുന്നവർ കൊള്ളുന്ന തീമഴ
നാടകം : കാപ്പിരിക്കപ്പൽ
രചന, സംവിധാനം : വി. എസ് ശിവകുമാർ
സംഗീതസംവിധാനം: റോണഖ്
അവതരണം :യുവകലാസാഹിതി, അബുദാബി - തോപ്പിൽ ഭാസി നാടക സമിതി
ജനുവരി 16 വെള്ളിയാഴ്ച രാത്രി 8 .00 ന് അബുദാബി കേരള സോഷ്യൽ സെന്ററിലേക്ക്
എല്ലാവരെയും സ്നേഹത്തോടെ സ്വാഗതം ചെയ്യുന്നു.
ഹരിതമായ ആദരാഞ്ജലികൾ
പരിസ്ഥിതി സംരക്ഷണത്തെ കുറിച്ച് പറയാത്തവരില്ല. എന്നാൽ പരിസ്ഥിതി സംരക്ഷണത്തിന് ഒരു കർമ്മപദ്ധതിയായി സ്വയം മാറിയ വ്യക്തിയായിരുന്നു മാധവ ഗാഡ്ഗിൽ.
വിയോജിപ്പുകൾ ഉണ്ടായേക്കാം. ഒരു പ്രദേശത്തെ സാധാരണക്കാരായ കർഷകരുടെ പ്രാഥമികമായ പാരസ്ഥിതിക അവബോധത്തെ വേണ്ടവണ്ണം കണക്കിലെടുത്തില്ലെന്ന് പറയുന്നവരുണ്ടാകും. അവർക്ക് പോലും ഒരു ദിവസമെങ്കിൽ ഒരു ദിവസം, പശ്ചിമഘട്ടത്തിൻ്റെ ആയുസ് നീട്ടുന്നതിൽ ഗാഡ്ഗിൽ വഹിച്ച പങ്കിനെ തള്ളി പറയില്ല.
ഹരിതമായ ആദരാഞ്ജലികൾ
സ: നനീഷ് അനുസ്മരണവും പുസതക പ്രകാശനവും
യുവകലാസാഹിതിയുടെ നേതാവായിരുന്ന നനീഷ് ഗുരുവായൂറിൻ്റെ അനുസ്മരണവും പ്രിയ സഖാവിൻ്റെ സ്മരണാർത്ഥം നടത്തിയ ചെറുകഥാ മത്സരത്തിൽ നിന്ന് തെരഞ്ഞെടുത്ത ചെറുകഥകൾ ചേർത്ത് പുറത്തിറക്കുന്ന പുസ്തകത്തിൻ്റെ പ്രകാശനവും ഡിസമ്പർ 28 ന് ഖിസൈസിൽ വെച്ച് നടക്കുന്നു.. എല്ലാ ബന്ധുക്കളേയും സുഹൃത്തുക്കളേയും പരിപാടിയിലേക്ക് സ്നേഹപൂർവ്വം ക്ഷണിക്കുന്നു..
നനീഷ് അനുസ്മരണ ദിനം
എല്ലാറ്റിനും എല്ലാവർക്കും മേൽ ആത്യന്തിക വിജയം കൊതിക്കുന്ന മരണത്തിന് പോലും ചിലരെ കുറിച്ചുള്ള ഓർമ്മകൾക്ക് മേൽ വിജയം നേടാൻ കഴിയില്ല. അത്തരമൊരു പച്ചപ്പുണങ്ങാത്ത ഓർമ്മയാണ് യുവകലാസാഹിതിക്ക് നനീഷ്. കേന്ദ്ര കമ്മിറ്റി അംഗം, ദുബായ് യൂണിറ്റ് സെക്രട്ടറി, ട്രഷറർ എന്ന നിലകളിലൊക്കെ മികച്ച പ്രവർത്തനം കാഴ്ച്ചവെച്ചതിനൊപ്പം എല്ലാവരോടും ആത്മാർത്ഥതയുടെ ഭാഷയിൽ ഇടപഴകാൻ കഴിഞ്ഞു എന്നതും ആ ഓർമ്മകൾക്ക് അഭൗമമായ സുഗന്ധം നൽകുന്നുണ്ട്. മനുഷ്യരാശിയെ ചുണ്ടുവിരലിൽ സ്തബ്ധമാക്കി നിർത്തിയ മഹാമാരിക്കാലത്തിൻ്റെ ഓർമ്മകൾ നിറം മങ്ങിയാലും അത് അസമയത്ത് അന്യായമായി കവർന്നെടുത്ത നനീഷിൻ്റെ സാന്നിധ്യം ഇവിടെ അവശേഷിക്കും. എങ്ങും പോകാത്ത ആ ഓർമ്മകൾ അടുക്കിപ്പെറുക്കി വയ്ക്കുവാൻ ഞങ്ങൾ ഒത്തുചേരും..
ക്രിസ്തുമസ് ആശംസകൾ
യുവകലാസാഹിതി യു എ ഇ യുടെ ക്രിസ്തുമസ് ആശംസകൾ..