ഉപ്പു കുറുക്കിയും ഉണ്ണാവൃതമിരുന്നും നിയമം ലംഘിച്ചും തൊഴിൽശാലകളും കോടതികളും കലാലയങ്ങളും ഉപേക്ഷിച്ച് തെരുവിലിറങ്ങി തല്ലു കൊണ്ടും ബലിക്കല്ലിൽ സ്വജീവൻ്റെ കുരുതിച്ചോര നനച്ചും നാം നേടിയ സ്വാതന്ത്ര്യം വിലമതിക്കാൻ കഴിയാത്തതാണ്. കേവലം വിദേശാധിപത്യത്തിൽ നിന്നുള്ള സ്വാതന്ത്ര്യമായി നാം അതിൻ്റെ വിലയിടിക്കരുത്. പട്ടിണി, ചൂഷണം, അസമത്വം, പുരുഷാധിപത്യം അങ്ങനെ മനുഷ്യൻ്റെ ആത്മാഭിമാനം ഇല്ലാതാക്കുന്ന സകല ശക്തികളിൽ നിന്നുമുള്ള സ്വാതന്ത്ര്യമാണ് നമ്മുടെ ജനത കാംക്ഷിച്ചത്. അത് നേടുവാൻ നമ്മുടെ ജനതയ്ക്ക് സാധ്യമാകട്ടെ.
എല്ലാവർക്കും സ്വാതന്ത്ര്യദിനാശംസകൾ.