ശ്രീ ഉണ്ണികൃഷ്ണൻ നമ്പൂതിരി വിടവാങ്ങി
മലയാള സിനിമയിൽ വൈകി എത്തിയ നടന വിസ്മയം ശ്രീ ഉണ്ണികൃഷ്ണൻ നമ്പൂതിരി വിടവാങ്ങി. പുരോഗമന പ്രസ്ഥാനങ്ങളുടെ അടുത്ത സഹയാത്രികനായിരുന്നു.
യുവകലാസാഹിതിയുടെ അന്ത്യാഭിവാദനങ്ങൾ
കേരള ബജറ്റ്
കേരളത്തിൻറെ വികസന മോഡൽ ഒരു പുതിയ ഘട്ടത്തിലേക്ക് കടന്നിരിക്കുകയാണ് ഇന്ന് ഡോക്ടർ തോമസ് ഐസക് നിയമസഭയിലവതരിപ്പിച്ച ബജറ്റിലൂടെ എന്ന് യുവകലാസാഹിതി യുഎഇ അഭിപ്രായപ്പെട്ടു.
കഴിഞ്ഞ മൂന്നു വർഷവും തങ്ങളുടെ നിയന്ത്രണത്തിലല്ലാത്ത കടുത്ത പ്രതിസന്ധികൾ നേരിട്ട ഒരു സർക്കാർ മുന്നോട്ട് മാത്രം കുതിക്കുന്നതിന് ദൃഢനിശ്ചയം ചെയ്തതായിട്ടാണ് ബജറ്റ് പൊതുവിൽ തരുന്ന അനുഭവം.
കരുതലും സംരക്ഷണവും തുടരുമ്പോൾ തന്നെയും ഭാവി തലമുറയെ കുറിച്ച് കൃത്യമായ ഒരു അവബോധം ബജറ്റ് പങ്കുവയ്ക്കുന്നുണ്ട്. തൊഴിൽ സൃഷ്ടിക്കുന്നതിനും പുതിയ ആശയങ്ങൾ മുന്നോട്ടു കൊണ്ടു പോകുന്നതിനും സർക്കാർ വലിയ പിന്തുണയും പ്രോത്സാഹനവുമാണ് ബജറ്റിലൂടെ വാഗ്ദാനം ചെയ്തിരിക്കുന്നത്.
അനിൽ പനച്ചൂരാൻ – ആദരാഞ്ജലികൾ
സമഷ്ടിവാദത്തിന്റെ കാല്പനിക സൗന്ദര്യം ആവോളം ഉപയോഗിച്ചാണ് കേരളത്തിലെ ഇടതുപക്ഷം വളർച്ച പ്രാപിച്ചത്. അത്തരം കാല്പനികതയിലേക്ക് വിളക്കിച്ചേർക്കപ്പെട്ട ഒരു കവി ആയിരുന്നു ഇന്ന് നമ്മെ വിട്ടുപിരിഞ്ഞ ശ്രീ അനിൽ പനച്ചൂരാൻ .
ഒരു ഗാനം കൊണ്ട് മലയാളക്കരയാകെ അദ്ദേഹം സമത്വത്തെയും സഖാത്വത്തെയും വിളംബരം ചെയ്തു.പ്രവാസികളെ സംബന്ധിച്ച്, പ്രത്യേകിച്ച് ഗൾഫ് പ്രവാസികളെ സംബന്ധിച്ച് അവരുടെ ഗൃഹാതുര സ്വപ്നങ്ങളെ ,
പുതുവത്സരാശംസകൾ
2020 ഡിസംബറിൽ നിന്നും 2021 ജനുവരി ഒന്നിലേക്ക് അർക്കരശ്മികൾ കൺ തുറക്കുമ്പോൾ വലിയ മാറ്റങ്ങളൊന്നും നമ്മുടെ ജീവിതങ്ങളിൽ ഉണ്ടാവുന്നു എന്ന് നാം കരുതേണ്ടതില്ല. മാറ്റിയിടുന്ന പഴയ കലണ്ടർ പോലെ മായ്ച്ചു കളയാവുന്നതല്ല 2020 തന്ന വ്യഥകൾ . എസ് പി ബി , സ :സത്യനാരായൺ സിങ്ങ്, സുഗതകുമാരി, ഞങ്ങളുടെ കൂട്ടുകാരൻ നനീഷ്, പേരറിയുന്നതും അറിയാത്തതുമായ എത്രയോ മനുഷ്യമോഹങ്ങൾ . സങ്കടക്കടലിന്റെ അലകൾ നിലയ്ക്കുന്നില്ല.
ജീവിതയാത്ര മുന്നോട്ട് മാത്രം പോകുവാൻ കഴിയുന്ന ഒറ്റയടിപ്പാതയിലൂടെയാണ്. അതിജീവനത്തിന് പോരാടിയ മനുഷ്യരുടെ ചരിത്രമാണ് ഈ ലോകത്തിന്റെ കഥ.