ആലാപനമാധുരി കൊണ്ട് ആസ്വാദക ഹൃദയങ്ങൾ കീഴടക്കിയ സമാനതയില്ലാത്ത സംഗീതജ്ഞയായ ലതാ മങ്കേഷ്‌കർ, അരങ്ങിലും അഭ്രപാളികളിലും ലളിത സുഭഗമായ അഭിനയശൈലി കാഴ്ച വെച്ച് എണ്ണമറ്റ കഥാപാത്രങ്ങളിലൂടെ മലയാളികളുടെ മനസ്സിൽ ചേക്കേറിയ കെ.പി.എ സി ലളിത എന്നിവരെ യുവകലാസാഹിതി ദുബായ് യൂണിറ്റിന്റെ നേതൃത്വത്തിൽ അനുസ്മരിക്കുന്നു.
2022 മാർച്ച് 6 വൈകുന്നേരം 3.30 നു ദേര മാലിക് റെസ്റ്റോറന്റിൽ വെച്ച് ” അഞ്ജലി ” എന്ന പേരിൽ സംഘടിപ്പിക്കപ്പെടുന്ന അനുസ്മരണ സായാഹ്നത്തിൽ സാമൂഹ്യ സാംസ്‌കാരിക രംഗത്തെ പ്രമുഖ വ്യക്തിത്വങ്ങൾ പങ്കെടുത്തു സംസാരിക്കുന്നു. തുടർന്ന് യൂ എ ഇ യിലെ പ്രശസ്ത ഗായകർ ലതാജിയുടെ അനശ്വര ഗാനങ്ങളും കെ.പി.എ സി ലളിതയുടെ അഭിനയ ജീവിതത്തിലെ മനോഹരങ്ങളായ നാടകഗാനങ്ങളും ആലപിക്കുന്നു.
പ്രസ്തുത പരിപാടിയിൽ പങ്കുചേരാൻ താങ്കളെ സാദരം ക്ഷണിക്കുന്നു.

Leave a Reply

Your email address will not be published. Required fields are marked *